“Google” kompyuter texnologiyalarının köməyi ilə spamla mübarizəyə başlayıb

"Google” şirkəti süni intellekt və kompyuter təlimi texnologiyalarının köməyi ilə internetdə spamla mübarizə aparmağa başlayıb.

AZƏRTAC xarici saytlara istinadla xəbər verir ki, "Gmail” poçt xidmətində etibarlı kontaktın məktubu altında gizlədilən mesajların aşkar edilərək bloklanması üçün süni neyron şəbəkələri işə salınıb. Təkmilləşdirilmiş spam filtrlər məktub göndərənin ünvanının həqiqiliyini yoxlayır. Eyni zamanda "Google”un mütəxəssisləri bildirir ki, süni intellekt sahəsində həllər və kompyuter təlimi texnologiyaları nə qədər inkişaf etdirilsə də, insan beyninin imkanlarından geri qalır.