Hardasan oğul? - "Əcəl atı"nda

Azərbaycan Dövlət Gənc Tamaşaçılar Teatrında Şuşanın işğalı anılacaq.

Teatrın mətbuat xidmətindən “Vətəninfo.az”a daxil olan məlumata görə, mayın 8-i saat 17.00da teatrda yazıçı-publisist Vaqif Əlixanlının “Hardasan oğul” əsəri əsasında səhnələşdirilən “Əcəl atı” tamaşası nümayiş etdiriləcək. Yüksək vətənpərvərlik ruhunda qələmə alınaraq xalqımızın başına gətirilən müsibətləri əks etdirən tamaşanın quruluşçu rejissoru Ağalar İdrisoğlu, quruluşçu rəssamı Mustafa Mustafayev, bəstəkarı, Əməkdar İncəsənət Xadimi Sərdar Fərəcov, rejissoru Sərvər Əliyev, rəqslərin və plastik hərəkətlərin quruluşçusu Vüsal Mehrəliyevdir.  

Həmin gün Mədəniyyət və Turizm Nazirliyinin təşkilatçılığı ilə teatrın foyesində Şuşa şəhərinin işğalına həsr olunmuş sərgi nümayiş etdiriləcək.

Qarabağ həqiqətləri, Dağlıq Qarabağın mühüm hərbi-strateji məntəqəsi olan Şuşanın  mənfur ermənilər tərəfindən dağıdılan, xarabaza çevrilən məkanları foto-sərgidə əksini tapacaq.     

Mirvari Nəcəf