Heydər Əliyevin həyatından bəhs edən film çəkilir

Ümummilli lider Heydər Əliyevin həyatından bəhs edən film çəkiləcək.

Azərbaycan Mədəniyyət və Turizm Nazirliyindən verilən məlumata görə, "Azərbaycanfilm"  Heydər Əliyevin həyatından bəhs edən film sifariş edib və artıq filmin çəkilişləri başlayıb.

"Ən Sadə Soyad" adlı film Naxçıvan, Moskva, Peterburq və Rigada çəkiləcək və çəkilişlər təxminən 6 ay davam edəcək.

Üç hissədən ibarət olan film Heydər Əliyevin anadan olmasının 90. Ildönümü münasibəti ilə 2013-ci ildə nümayiş etdiriləcək.

Ssenaristi millət vəkili Elmira Axundova, rejissoru Ramiz Fətəliyev olan filmdə azərbaycanlı, rus, ukraynalı və gürcüstanlı məşhur artistlər oynayacaq.