İdmançılar Çingiz Abdullayevlə görüşüblər

Dünya şöhrətli Azərbaycan yazıçısı, Çingiz Abdullayev Türk Döyüş Sənəti- Azərbaycan Sayokan Federasiyasının fəxri üzvü seçilib.

Bu gün Azərbaycan Sayokan Federasiyasının rəhbərliyi dünya şöhrətli detektiv yazıçılarımızdan Çingiz Abdullayevi ilə görüş keçiriblər. Görüşdə Azərbaycan Sayokan Federasiyasının prezidenti Vasif Namazov, 1-ci vitse-prezident Aqil Acalov, vitse-prezidentlər Fərid Əlizadə və Musa Abdullayev iştirak ediblər.

Görüş maraqlı fikir mübadiləsi ilə keçib. Federasiya rəhbərliyi SaYoKanın ölkəmizdə fəaliyyəti ilə bağlı məşhur yazıçıya ətraflı məlumat verərək, yazıçıya qurumun fəxri üzvü seçilməsinə razılıq verdiyi üçün xüsusi təşəkkürlərini çatdırıblar. Məşhur yazıçı isə çıxışında Azərbaycanda türk döyüş sənətini inkişaf etdirən, milli adət-ənənələri təbliğatını aparan belə bir milli idman təşkilatının fəaliyyətindən məmnun olduğunu diqqətə çatdıraraq, bu işləri davamlı və sistemli aparmağın zərurliyini bildirib.

Sonda Azərbaycan Sayokan Döyüş Növləri Mərkəzinin Fəxri Üzv diplomu Çingiz müəllimə təqdim olunub. Məhşür yazıçı bu diqqətə görə, federasiya rəhbərliyinə təşəkkür etmiş və onlara fəaliyyətində uğurlar  arzulayıb.