İki ölkənin lideri Xan sarayında - FOTOSESSİYA

Baş nazir Rəcəb Tayyib Ərdoğana və xanımına Xan sarayının 250 illik yubileyi münasibətilə hazırlanmış gümüş sikkələr hədiyyə edilib

Prezident İlham Əliyev, xanımı Mehriban Əliyeva və Baş nazir Rəcəb Tayyib Ərdoğan, xanımı Əminə Ərdoğan Şəki Xan sarayı ilə tanış olublar.

Qafqazinfo”nun məlumatına görə, əvvəlcə Şəki Xan sarayının önündə xatirə şəkli çəkdirilib. Sarayla tanışlıq zamanı XVIII əsrə aid olan bu nadir tarixi-memarlıq abidəsi ilə bağlı qonaqlara ətraflı məlumat verilib.

Azərbaycan prezidenti və Türkiyənin baş naziri sarayın eyvanından Şəkinin qədim məhəllələrini seyr ediblər.

Baş nazir Rəcəb Tayyib Ərdoğana və xanımına Xan sarayının 250 illik yubileyi münasibətilə hazırlanmış gümüş sikkələr hədiyyə edilib.

Prezident İlham Əliyevə, xanımına və Baş nazir Rəcəb Tayyib Ərdoğana, xanımına sarayın 250 illik yubileyi münasibətilə nəfis tərtibatda nəşr edilmiş kitablar təqdim olunub.

Dövlətimizin başçısı, xanımı və Türkiyənin Baş naziri, xanımı kitabları imzalayaraq bir-birinə təqdim ediblər.
Prezident İlham Əliyev və Baş nazir Rəcəb Tayyib Ərdoğan Şəkinin qədim sənətkarlıq nümunələrinə baxıblar.
Azərbaycan Prezidenti və Türkiyənin Baş naziri şəkili gənclərlə görüşüb daha sonra xatirə şəkli çəkdiriblər.

Daha sonra Prezident İlham Əliyev, xanımı Mehriban Əliyeva və Baş nazir Rəcəb Tayyib Ərdoğan, xanımı Əminə Ərdoğan çay süfrəsinə qonaq olublar.