İLAHİ SEVGİ

Günel Novruzlu

 

“Xoş xəbərim” vardır sənə...

Sənlə olan hekayəmi

silib başdan yazmışam.

Səni artıq unutmuşam...

Yeni sevgi tapmışam...

Bu sevgimlə qovub qara buludları,

Qucağımı mən günəşə açmışam,

nurlara qovuşmuşam ...

Bu sevgi bitən deyil,

bitib tükənən deyil...

Bu sevgi, sən düşünən sevgi də deyil.

Bu sevgi qəlbimə saflıq,

ruhuma paklıq verən əbədi bir sevgidir.

Bu, müqəddəs, ilahi bir sevgidir...

Bu sevgi BÖYÜK ALLAH sevgisi,

UCA TANRI eşqidir !!!