İsa Qəmbər ona qarşı hücumu qiymətləndirdi

Müsavat Partiyasının başqanı İsa Qəmbər ona qarşı hücumla bağlı «Amerikanın səsi»nə açıqlama verib.

“Lənkəran şəhərinin girəcəyində bizə hücum oldu. Bir neçə maşın qarşımızı kəsib, təhlükəli vəziyyət yaratdı. Maşınlardan enən şəxslər və hardansa peyda olan bir qrup insan hücuma keçdi. Bizə fiziki xəsarət yetirməyə çalışırdılar.»

Hücumun polisin şəxsi təşəbbüsü ilə deyil, hakimiyyətin ən yüksək şəxslərinin tapşırığı ilə həyata keçirildiyini düşünürəm.

Bəzi ekspertlər bunu sui-qəsd kimi qiymətləndirdə də, mən hələ bu haqda heç nə deyə bilmərəm. Lakin hücumu hökumətin təşkil etdiyi təxribat kimi dəyərləndiririk. Maşınlarımızın qarşısının kəsilməsi təxribatın həyata keçirilməsi üçün vaxt qazanılması məqsədi daşıyırdı.

Hücumun polisin şəxsi təşəbbüsü ilə deyil, hakimiyyətin ən yüksək şəxslərinin tapşırığı ilə həyata keçirildiyini düşünürəm.

Mənim prezidentliyə namizəd göstərilməyimdən sonra təxribatın baş verməsi hakimiyyətin niyyətlərindən xəbər verir, seçkilərə nə cür yanaşacağından xəbər verir.

«Azərbaycanın məhkəmə sistemi hər zamankı kimi mənasız, məntiqsiz, qanuna zidd qərarlar çıxarsa, biz Avropa İnsan Haqları Məhkəməsinə müraciət edəcəyik. Hakimiyyətin təxribatı və qəsdi bizi yolumuzdan saxlamayacaq. Biz seçkilərdə iştirakımızı davam etdirəcəyik,» deyə Müsavat başqanı bildirdi.