KQMİ-nin “Qaynar xətt” əlaqə mərkəzinə 3578 müraciət daxil olub

2011-ci ildə  Azərbaycan Respublikası  Baş Prokuroru yanında Korrupsiyaya Qarşı Mübarizə İdarəsinin “Qaynar xətt” əlaqə mərkəzinə 3578 müraciət daxil olub. 

 “Vətəninfo”nun məlumatına görə,bu barədə məlumat Nazirlər Kabinetinin 2011-ci ildə fəaliyyəti haqqında hesabatında öz əksini tapıb. Mərkəzə daxil olan müraciətlərdən 786-na Baş Prokuror yanında Korrupsiyaya Qarşı Mübarizə İdarəsində baxılıb, nəzarətdə saxlanılmaqla 437 müraciət aidiyyəti üzrə rayon (şəhər) prokurorluqlarına göndərilib. Qalan 2355 müraciət isə nəzarətdə saxlanılaraq nazirlik (komitə) və digər qurumlara göndərilərək, qanunda nəzərdə tutulan  müvafiq tədbirlər görülüb.