Lalə Məmmədova utanır

Əməkdar artist Lalə Məmmədova “Günəbaxan” verilişinin qonağı olub.

Axşam.az-ın məlumatına görə, müğənni həmkarları arasında  əcnəbi dil bilməyənləri qınayıb:

“Bir yenilik etməyəndə efirə çıxmıram. Çünki mən verilişlərdə söhbət etmək yox, oxumaq istəyirəm. Başqaları kimi geyimdən danışmaq mənlik deyil. Bahalı çanta, libas alırlar. Ondansa gedib ayda yüz manat verib əcnəbi dil öyrənsinlər. Xaricə konsertə gedəndə iki kəlmə danışa bilmirlər. Onların yerinə mən utanıram ki, ingilis dilində müsahibə verib, hansı ölkədən olduqlarını da deyə bilmirlər”.

L.Məmmədova müdafiə etdiyi elmi işindən də söz açıb:

“Ədəbiyyat üzrə dissertantam. “Azərbaycan nəsrində Füzuli təsirləri” adlı iş hazırlayıram. Dissertasiyam iyunda başa çatır”.