“Məhəmməd Əmin Rəsulzadə ensiklopediyası”

Tanınmış tədqiqatçı alim, “M.Ə.Rəsulzadə Mərkəzi”nin sədri N.Yaqublunun “M.Ə.Rəsulzadə ensiklopediyası” kitabı çap edilib. 

“Qafqazinfo” xəbər verir ki, 504 səhifədən ibərət olan bu ensiklopediya-kitabda M.Ə.Rəsulzadənin həyat və fəaliyyətini əks etdirən 287 foto, 300-dən çox isə arxiv sənədi verilib. Kitbda M.Ə.Rəsulzadənin Azərbaycanda, Türkiyədə, İranda, Almaniyada, Fransada, Polşada, Rusiyada, Gürcüstanda istiqlalımız uğrunda apardığı mübarizə öz əksini tapıb. Bundan əlavə M.Ə.Rəsulzadənin ilk dəfə olaraq illüstrasiyalı biblioqrafiyası da tərtib edilib. Burada isə görkəmli dövlət xadiminin 1149 yazısı və sağlığında nəşr edilmiş 27 kitabı haqqında məlumat toplanıb. Ensiklopediyanın Türkiyə türkcəsində, rus, ingilis dillərində də nəşri nəzərdə tutulub.