Natavan İlhamə Quliyevanı ziyarət etdi

“NATAVANLA ARAMIZDA HEÇ BİR PROBLEM YOXDUR”

Bir il əvvəl ürəyindən əməliyyat olunan xalq artisti İlhamə Quliyevanın Mərkəzi Nefçilər Xəstəkanasındakı müayinəsi davam edir.

Axşam.az-ın əldə etdiyi məlumata görə, ötən gün sənətçi Natavan Həbibi də müğənnini ziyarətə gedib.

Tərəflər arasındakı münasibətlərin əvvəlki qaydasına döndüyü, artıq heç bir problem qalmadığı bəlli olub. İlhamə Quliyeva Natavanın yenə də onun yanında olduğunu və lazımi dəstəyini əsirgəməyəcəyini bildirib. Hər zaman böyüklük göstərib, sənətçilərdən köməkliyini əsirgəməyən xalq artisti sözlərinə bunları əlavə edib:

“Natavanla aramızda heç bir problem yoxdur. Münasibətlər əvvəl necə idisə, indi də eyni qaydada davam edir. Hamıya deyirəm ki, dalaşmayın, mehriban olun”.

İ.Quliyevanın mətbuat katibi Faiq Ələkbərli isə bildirib ki, xalq artistini ziyarətə gələnlərin ardı-arası kəsilmir:

“İndiyədək xalq artistləri Aygün Kazımova, Faiq Ağayev, “Özünə bax” verilişinin siması Ruhi Əliyeva, əməkdar artist Cavanşir Məmmədov , Firuzə İbadova, müğənni Sevda Yahyayeva və Ayan Babakişiyeva sənətkarı ziyarət edib. İlhamə xanım özünü yaxşı hiss edir. Mən və prodüser Tolik də onu tək qoymuruq”.