“Nə olsun”da bu gün nələr olacaq?

Bu gün saat 18:00-da televiziya tamaşaçılarını ekran qarşısına dəvət edirik.

 “Lider” TV-də Sərxan Kərəmoğlunun təqdimatında tamaşaçılar “Nə olsun” verilişini izləyə biləcəklər. Verilişin redaktoru Ceyran Nəriman, rejissoru Rövşən İsgəndərovdur. İnformasiya dəstəyi Vətəninfo.az saytına məxsus olan “Nə olsun”nun bugünki qonaqları “AzəriStar” müsabiqəsinin iştirakçısı olmuş, bir müddətdir Rusiyanın paytaxtı Moskvada yaşayan və orda da sənətini davam etdirən, bu günlərdə Azərbaycana qayıdaraq sənətini ölkəmizdə davam etdirməyi düşünən Fəqan Səfərov və ailə həyatı qurduqdan sonra sənətdən ayrılan, amma qardaş Türkiyəyə köçdükdən sonra qardaş ölkənin şou dünyasında özünü sınamış, yenidən Azərbaycana qayıdaraq Azərbaycanda sənətini davam etdirmək istəyən Bəturə olacaq. Tamaşaçılardan Sərxan Kərəmoğlunun aparıcılığı ilə “Nə olsun”un 18:00-da efirə gedəcək bu sayını qaçırmamağı tövsiyyə edirik. Qeyd edək ki, proqramın təkrarı gecə saat 02:00-da yayımlanır.

Vətəninfo.az