Orduda intihar halları niyə baş verir?

Aydın məsələdir ki, insanın özünə qəsd etməsi bir gün ya da bir ay ərzində baş verə bilməz. 

Bu sözləri “Vətəninfo.az” hərbi ekspert Üzeyir Cəfərov orduda baş verən intihar halları ilə bağlı sualımızı şərh edərkən bildirib. 

“Buna uzun bir yol aparır. Xüsusən də orduda bu proses qabarıq şəkildə özünü göstərir. Bu proses baş verəndə, yəni əsgərin, yaxud çavuşun incidilməsi, özünə problemlərlə bağlı qapanması və sairə halları ətrafındakılar görürlər və nədənsə o insana köməklik etmirlər. İncidilmə, haqsızlıq və sairə halları da bura əlavə etsək onda bütöv bir buket alınır ki, intihara sürüklənən şəxs faktiki olaraq öz problemləri ilə baş başa qalır və çıxış yolunu da əlindəki sılahda görür. Bu isə baş verəndə həm o şəxsi incidən, həm də hec bir günühı olmayan əsgər, cavuş və ya zabit də zərər çəkir. Demək istəyirəm ki, intihar halları daha çox komandirlərin baxımsızlığı ucbatından baş verən hadisədır”-deyə,hərbi ekspert qeyd etdi.

Hərbi ekspert belə faciələrin yaşanmaması üçün isə gecə-gündüz əsgərlərlə təmasda olmağın vacibliyini bildirdi: “Onların problemləri ilə dərindən maraqlanmaq lazımdır. Bunlar olanda bədbəxt hadisələrin də qarşısı vaxtında alınır, ailələr də faciələrlə üzləşmirlər. Bir sözlə intiharlar müxtəlif səsbəblərdən baş verir, amma ən böyük səbəb isə biganəlik və baxımsızlığı göstərmək olar”.

Elnur Eltürk