Osloda Azərbaycanlıların xeyriyyə konserti keçiriləcək

"Vətəninfo.az"ın Qazeta Analitik İnformasiya Mərkəzinə istinadən məlumata görə, Norveçin paytaxtı Oslo şəhəridə xeyriyyə konserti keçiriləcək. Konsert 7 sentyabr 2012-ci ildə baş tutacaq və Güney Azərbaycanda baş vermiş zəlzələ ilə əlaqədar xalqımıza yardım kompaniyası xarakteri daşıyır. Məlumatı dəqiqləşdirmək üçün konsertin təşkilatçılarından biri olan “Xəzər Yanar” dərnəyinin kordinatoru Atabəylə əlaqə saxladıq. Atabəyin sözlərinə görə, konsert Osloda Sagne Samfunnshus deyilən ünvanda olacaq və konsertdən yığılan vəsait Güney Azərbaycanda zəlzələdən zərərçəkmiş həmvətənlərimizə göndəriləcək. Konsertin musiqi bölümünü “Xəzər Yanar” dərnəyinin ifaçıları eləcə də digər qonaq müğənnilər işıqlandıracalar. Konsertə əlavə müğənnilər də dəvətlidirlər.