Putinin yaxın adamı niyə öldürüldü?

Rusiyanın Nalçik şəhərində Kabardin-Balkar Dövlət Kənd Təsərrüfatı Akademiyasının rektoru Boris Jerukov kabinetində güllələnib.

Teleqraf.com-un Rusiya KİV-ə istinadən xəbərinə görə, bu gün səhər saat 11 radələrində iki nəfər şəxs rektorun kabinetinə daxil olaraq, odlu silahdan atəş açaraq onu qətlə yetiriblər. Rektor aldığı güllə yaralarından hadisə yerindəcə keçinib.

Hadisə yerinə dərhal operativ təhqiqat qrupu göndərilib. Faktla bağlı araşdırma aparılır.

Qeyd edək ki, 58 yaşlı Jerukov Kabardin-Balkar Respublikasında "Vahid Rusiya" fraksiyasının rəhbəri idi. O, Putinə yaxın şəxslərdən biri hesab olunurdu.

Onu da qeyd edək ki, Jerukovun qətli böyük səs-küy doğurub. Bir sıra xarici KİV-lər, eləcə də Türkiyə KİV-i olayı Putinin yaxın adamının qətlə yetirilməsi kimi təqdim edib.