“Qarabağ”a texniki məğlubiyyət verildi

Vətəninfo.az  xəbər verir ki, bu gün AFFA İntizam Komitəsinin iclası keçirilib. İK Premyer Liqanın ilk turunda baş verən hadisələrlə bağlı müvafiq qərarlar çıxarıb. Azərbaycan Premyer Liqasının I turunun AZAL – “Xəzər Lənkəran” matçının 59-cu dəqiqəsində AZAL klubunun 13 nömrəli futbolçusu Şəhriyar Rəhimov idmançıya yaraşmayan hərəkətə görə ikinci sarı vərəqə alaraq meydandan kənarlaşdırıldığı üçün futbolçu bir oyunluq cəzalanıb, klub 200 manat cərimə olunub.

Azərbaycan Premyer Liqasının I turunun “Sumqayıt” – “Qarabağ” matçının 50-ci dəqiqəsində “Sumqayıt” klubunun azarkeşləri tərəfindən pirotexniki vasitələrdən istifadə edildiyi üçün klub min manat cərimələnib. Oyunun 59-cu dəqiqəsində “Qarabağ” klubu əvəzetmə zamanı limiti pozduğuna görə kluba 0:3 hesablı texniki məğlubiyyət verilib. Matçda göstərilmiş sarı vərəqələr qüvvədə qalır. Vurulmuş qollar ləğv edilir.

Vətəninfo.az