“Qarabağ”ı 20 min azarkeş izləyəcək

Vətəninfo.az  xəbər verir ki, sabah keçiriləcək “Qarabağ”-“Valetta” oyununa satılan biletlərin sayı məlum olub. Tofiq Bəhramov adına Stadionun direktoru Akif İsmayılov "Qafqazinfo"ya açıqlamasında bildirib ki, dünən axşama kimi 6 mindən çox bilet satılıb: "Satış bir neçə gün əvvəl başlayıb. Düşünürəm ki, 6 min yaxşı göstəricidir. Adətən bizim azarkeşlər bileti oyun günü alırlar. Fikrimcə, sabah stadionda 20 min azarkeş olacaq".

Direktor qeyd edib ki, biletlərin qiyməti 1-2 manat arasında dəyişir: "Stadionun iki sektorunda biletlərin qiyməti 2 manatdır. Qalan bütün yerlərin bileti 1 manatdır".

Qeyd edək ki, “Qarabağ” Çempionlar Liqasında II təsnifat mərhələsində Maltanın “Valetta” klubu ilə sabah  saat 21:30-da qarşılaşacaq. Komandaların ilk qaşılaşması “Qarabağ”ın 1-0 hesablı qələbəsi ilə başa çatmışdı.

Vətəninfo.az