Qəfil qaralsa,dünya

Zahid Oruc

Unikal biznes layihəsidir.Dünya miqyasında müharibələr qədər gəlir gətirəcək fanatizm ssenarisidir.Albert Qor qlobal istiləşməni və Antarktidanın əriməsini xəbərdar edərkən kainat insanının tükü də tərpənmədi.İndi isə..

Poeziya həvəskarlarının,ekstrasens və cadugərlərin nüfuzu heç vaxt bu qədər artmamışdı.Elm mistikaya məğlub oldu.NASA VƏ astrofizika məbədləri kahinlərə yenildilər.Bu tarix insanlığın və bəşəriyyətin düşüncə sistemində bir imtahan oldu.”Bizim era” məfhumu sən demə şərti imiş. İsanın təqvimi Mayyanın hesablama sisteminə uduzdu. Mistika böyük qüvvədir. 

“Qəfil qaralsa, dünya”-fikri hər kəsin başından keçib eləmi,bu günlər? Elə isə,kim deyir ki,dünyanın işıqlanması həmişə Allahın iradəsi ilə Günəşin hesabına olmalıdır? Bəs yer üzünün əşrəfi olan bəndələrin missiyası nədir?

Qaranlıq adamların qaranlıq dünyası..ya da ki,qaranlıq dünyanın adamları.Bunu da yaşamaq istəyənlər olacaq yəqin ki..

Enerji qurumlarının vəzifəsi:Günəş batareyalarımız onsuz da hələ hazır deyil,sabah heç olmasa,işıqlara toxunmayın!