"Əgər Putin icazə versə, Sərksiyan hansısa sənədi imzalayacaq"

Rusiyanın “Exo Moskva” radiostansiyasının icmalçısı, siyasi xadim və publisist Andrey Piontkovski Avropa Birliyinin “Şərq Tərəfdaşlığı”proqramı çərçivəsində Riqada keçiriləcək sammitində Ermənistan prezidentinin iştirakına münasibət bildirib.

Vətəninfo.az  Modern.az-a istinadla xəbər verir ki, politoloq Ermənistanın “168 jam” nəşrinə açıqlamasına zamanı bu barədə danışıb.   
Ekspertin sözlərinə görə Ermənistanla Avropa Birliyi arasında hər hansı sənədin imzalanması üçün Serj Sərkisyan Rusiya prezidenti Vladimir Putindən icazə almalıdır. 
“Ermənistan təəssüf ki, müstəqil siyasət yürütmək imkanından məhrum olub, onun yerinə bunu Moskva edir. Ona görə əgər Putin icazə versə, Sərksiyan hansısa sənədi imzalayacaq. Əgər icazə verməsə təbii ki, Vilnüs sammitində olduğu kimi Yerevan heç nəyə qol çəkməyəcək”. 
Piontkovskinin fikrincə, Kreml Ermənistanın xarici siyasətini müəyyən etdiyi üçün yaxın illərdə bu sahədə hansısa kardinal dəyişiklik gözləməyə dəyməz.