"O, bunu tribunanın altında mənim assistentimə qarşı da etməyə çalışıb”

“Real” futbol klubunun baş məşqçisi Karlo Ançelotti İspaniya çempionatında 2 oyunluq diskvalifikasiya edilib.  italiyalı mütəxəssis “Valensiya” (hesab 2:2 olub) oyunda baş hakim Karlos Klos Qomesə qarşı kobud davranışı üçün cəzalandırılıb.
Qomes oyundan sonrakı protokolda yazıb: “Oyundan sonra ev sahibi komandasının baş məşqçisi Karlo Ançelotti mənə yaxınlaşmaq üçün 30 metr məsafə qət edərək idarəçilyimlə bağlı narazılığını bildirmək istəyib. O, bunu tribunanın altında mənim assistentimə qarşı da etməyə çalışıb”.
Beləliklə, Ançelotti çempionatın son iki oyununda – “Espanyol” və “Xetafe” ilə görüşdə komandasına rəhbərlik edə bilməyəcək.

Modern.az