"Onlar açıq müsabiqələrlə bu vəzifələrə cəlb olunacaqlar”

Ukraynanın Odessa vilayət administrasiyasının yeni təyin olunmuş rəhbəri Mixail Saakaşvili bu vəzifəyə razılıq verməsinin səbəblərini açıqlayıb.

ANS PRESS-in məlumatına görə, o deyib ki, Odessa vilayətinin potensialı lazımınca istifadə olunmur.
M.Saakaşvili bildirib ki, şəhərə rəhbərlik edən məmurlar Odessanın bütün istiqamətlərdə inkişafını əngəlləyirlər. Mən Odessa vilayət rəhbərliyini tamamilə dəyişəcəyəm. Odessalılardan xahiş edirəm ki, şəhər rəhbərliyinə gəncləri cəlb etmək üçün mənə şans versinlər. Onlar açıq müsabiqələrlə bu vəzifələrə cəlb olunacaqlar.”
Xatırladaq ki, Ukrayna prezidenti Petro Poroşenko bu yaxınlarda Mixail Saakaşilini Odessa vilayətinin rəhbəri təyin edilməsi haqqında sərəncam imzalayıb.
M.Saakaşvili Gürcüstanın sabiq prezidentidir.

Vətəninfo.az