"Rusiya problemin Ermənistanın xeyrinə belə sonuclanmasında maraqlı deyil"

Politoloq Natiq Miri Rusiyanın xarici işlər naziri Lavrovun Qarabağla bağlı açıqlamasına münasibət bildirib.

Politoloq Vətəninfo.az-a  açıqlamasında bildirib ki, Rusiya Dağlıq Qarabağ probleminin həllində maraqlı deyil. Rusiya daha çox status-kvonun qorunmasında maraqlıdır. Çünki bu vəziyyətdə hər iki tərəfə təsir mexanizmlərini saxlayır.

Onun sözlərinə görə, nəzərə almaq lazımdır ki, Cənubi Qafqazda ABŞ-Rusiya arasında olan rəqabət başa çatmayıb. Kim kimi məsələsi həll olunmayana, geosiyasi mübarizə tərəflərdən birinin xeyrinə sonuclanmadıqca Rusiya Qarabağ probleminin tam olaraq həllində maraqlı olmayacaq. Ona görə də Lavrovun açıqlaması boğazdan yuxarı deyilmiş sözlərdən başqa bir şey deyil. Bu gün Rusiya problemin hətta Ermənistanın xeyrinə belə sonuclanmasında maraqlı deyil. Onun üçün Cənubi Qafqazı nəzarətdə saxlamaq və təsir mexanizmlərini artırmaq üçün Qarabağ və Gürcüstanın Abxaziya və Osetiya yarasının qanaması lazımdır.

Rəqsanə Yusifzadə