Ronaldoya "Qurani Kərim" hədiyyə edildi (FOTO)

Səudiyyə Ərəbistanının qabaqcıl telekommunikasiya şirkətlərindən biri “Real”ın futbolçusu Ronaldoya qızıl suyuna çəkilmiş müqəddəs “Qurani Kərim” hədiyyə edib.

Qol.Az məlumatına görə, bu, Ronaldonun şirkətlə iş birliyinə girərək reklama çəkilməsindən sonra baş verib. Ronaldo bu xüsusi hədiyyəyə görə təşəkkür edib və bildirib: "Bunu evimin ən özəl yerində saxlayacağam”.

Qeyd edək ki, portuqaliyalı futbolçu müsəlmanlara rəğbəti ilə seçilir. Belə ki, o, 2011-ci ildə qazandığı “Qızıl buts” mükafatını satışa çıxararaq gələn 1.5 milyon avro gəliri Fələstinin Qəzza bölgəsindəki ehtiyacı olan uşaqlara hədiyyə edib.