Rusiyada həbs edilən müğənni 20 gündən sonra Bakıya gələcək

Onu pasport rejimini pozduğuna görə saxlayıblar"

Azərbaycanın populyar müğənnisi Ədalət Şükürov Rusiyanın Sankt-Peterburq şəhərində azərbaycanlı müğənni İntizarın tutulmasına münasibət bildirdi.

ANS PRESS-in məlumatına görə, Ədalət Şükürov qeyd etdi ki, mediada yayımlanan məlumatda bəzi yanlışlıqlar var. "Birincisi, İntizar Sankt-Peterburq şəhərində deyil, Smolensk şəhərində saxlanılıb. Özü də onu pasport rejimini pozduğuna görə saxlayıblar", - deyə müğənni əlavə etdi.

"Müğənni İntizarın 50 gün ərzində Bakıda iştirak edəcəyi toy məclislərini Ədalət Şükürov və Qala qrupu idarə edəcək" fikirləri doğrudurmu?" sualını Ədalət Şükürov belə cavablandırdı: "Bəli, biz Qala qrupu ilə qərara gəlmişik ki, İntizar gələnə kimi onun tədbirlərini əvəz edək, çünki belə hadisə hər kəsin başına gələ bilər. Belə etməklə, biz müğənnilər öz həmrəyliyimizi nümayiş etdiririk".

Ədalət Şükürov sonda bildirdi ki, Moskvada saxlanılan müğənni İntizar 20 gündən sonra Bakıya gələcək.

Qeyd edək ki, bu gün Azərbaycan mediası Azərbaycanlı müğənninin Rusiyada həbs xəbərini yaymışdı.

Vətəninfo.az