Rusiyada həmyerlimiz öldürüldü

Dağıstandan gəlmə Ruisya vətəndaşı Moskva əyalətində Azərbaycan vətəndaşına ağır zərbələr vuraraq onu qətlə yetirməkdə ittiham olunur. Bu barədə daxili işlər orqanlarından “İnterfaks”a bildirilib.

Məlumata görə, ötən gecə Moskvaətrafı əyalətində yerləşən Yubileyni şəhərində avtomobil servisində 37 yaşlı Dağıstan vətəndaşı ilə iki azarbaycanlı arasında münaqişə yaranıb. Münaqişə zamanı dağıstanlı bıçaq çıxarıb və azərbaycanlılara bıçaqla xəsarət yetirib. Hər iki azərbaycanlı xəstəxanaya yerləşdirilib. Onlardan biri xəstəxanada dünyasını dəyişib.

Cinayəti törədən şəxs hadisə yerindən qaçmağa müvəffəq olub. Hazırda onun axtarış işləri həyata keçirilir.