Səfir Koray Tarqay Lənkərana gedir

ATƏT-in Bakı Ofisinin rəhbəri, Səfir Koray Tarqay 22-23 may tarixlərində Lənkərana işgüzar səfər edəcək.

“Vətəninfo.az” xəbər verir ki, səfərin birinci günü, Səfir Tarqay rayonun İcra Hakimiyyətinin başçısı Taleh Qaraşov və Polis İdarəsinin rəisi Elxan Əliyevlə görüşəcək. ATƏT-in Bakı Ofisinin rəhbəri həmçinin polis idarəsindəki müvəqqəti saxlama yerinə də baş çəkəcək. Mayın 23-də isə Səfir Tarqay ATƏT-in Bakı Ofisinin dəstəyi ilə Lənkəranda fəaliyyət göstərən Hüquq Resurs Mərkəzinə baş çəkəcək və yerli QHT-lərin iştirakı ilə keçirilən dəyirmi masada iştirak edəcək. Qeyd edək ki, sonuncu tədbir media nümayəndələri üçün açıq olacaq.
Mirvari Nəcəf