Spiker: “İşimiz gərgin olacaq”

Bu gün Milli Məclisinin yaz sessiyası başlayıb. Parlamentin 2015-ci ildəki ilk iclasına Azərbaycan dövlətinin himninin səslənməsi ilə start verilib.

Vətəninfo.az xəbər verir ki, parlamentin sədri Oqtay Əsədov yaz sessiyasının başlanması münasibətilə deputatları təbrik edərək, onlara işlərində uğurlar arzulayıb. Spiker deyib ki, Milli Məclis Azərbaycan dövlətinin yürütdüyü siyasətin uğurlu olması üçün öz öhdəliyinə düşən qanunvercilik prosesini layiqincə yerinə yetirir.

“Bilirsiniz ki, bu çağırış parlamentin səlahiyyət müddətinin başa çatmasına az qalıb. Ona görə də işimiz gərgin olacaq. Bu sessiyada hökumətin hesabatı dinləniləcək, büdcənin icrası haqqında qanun layihəsinə baxılacaq, Ombudsmanın hesabatı dinləniləcək və digər qanunlara baxılacaq”.

Daha sonra Milli Məclisdə gündəliyin müzakirəsinə başlanılın. Xatırladaq ki, bu günkü iclasın gündəliyinə 11 məsələ daxil edilib.

Vətəninfo.az