Tarkana şok iftira: "Bu adam mənə təcavüz etdi"- Fotolar

ABŞ-ın Luiziana ştatında yaşayan Miranda Mayli türk meqastar Tarkanın internetdən yüklədiyi fotosunu polislərə verərək "bu adam mənə təcavüz etdi" deyib. 

Milli.Az Hürriyet-ə istinadən bildirir ki, 36 yaşlı qadının şikayətindən sonra polisin apardığı, çox qısa sürən istintaq nəticəsində Maylinin yalan danışdığı bəlli olub və o, tutulub.

Maylinin şikayət ərizəsində Tarkan "Ranfalo" adlı şəxs kimi qələmə verilmişdi.

"Ranfalo gözəlliyimə heyran olmuşdu və mənimlə tanış olmaq istəyirdi. Telefon nömrəmi, ev ünvanımı haradansa əldə etdi. Sonra iki həftə məni qarabaqara izlədi. Tanış olduq, dostlaşdıq. Sonucda dedi ki, məni dəlicəsinə sevir və qaçırmaq istəyir", - Miranda Mayli bildirmişdi.

Polis Maylinin qorunmasına qərar verib, Ranfalonu aramağa başlayıb.

Günlərin birində Mayli 911 xidmətinə zəng vuraraq deyib: "Yardım edin! Ranfalo zorla evimə girdi, məni döydü, sonra qaçdı!"

Polis Ranfalo adlı şəxsin olmadığını müəyyənləşdirib.

Şerif Rendi Sil deyib: "Xanım Maylinin psixoloji problemləri var. O, bizi aldatdı, dövlət mənbələrindən sui-istifadə etdi".

Miranda Maylini 5 ilə qədər həbs gözləyir.