Şəkidə baxçalar donur

Havaların soyuq keçməsinə baxmayaraq Şəkidə fəaliyyət göstərən baxçalarda istilik sistemi işləmir.

VİZUAL.az xəbər verir ki, məsələ ilə bağlı valideynlər Şəki Rayon İcra Hakimiyyətinə müraciət edib. Lakin İH-dən bildirilib ki, isitmə mövsümü noyabrın 15-dən başlanır, həmin vaxtdan da baxçalar istilik sistemi ilə təchiz olunacaq.

Məlumata görə, hazırda valideynlər çıxış yolu kimi övladlarını baxçaya aparmır.

Sözügedən problem rayonun bütün baxçalarında yaşanır.