Yunus Oğuzun “Pyeslər” kitabı çap olunub

Yazıçı-publisist, tarixi romanlar müəllifi Yunus Oğuzun "Pyeslər. Attila, Altun dəftər, Nadir şah” kitabı işıq üzü görüb. Kitab müəllifin müxtəlif illərdə yazdığı pyeslərin toplusudur. Müəllif ənənəsinə sadiq qalaraq pyeslərində də tarixə və tarixi şəxsiyyətlərin həyatına işıq salır. Kitabda "Attila”, "Altun dəftər” və "Nadir şah” pyesləri barədə oxuculara məlumat verilir.
Qeyd edək ki, Yunus Oğuzun pyeslərindən olan "Attila” Azərbaycan və rus dillərində çap olunub. "Nadir şah” isə Azərbaycan Dövlət Akademik Milli Dram Teatrında tamaşaya qoyulub və bütün tamaşalar anşlaqla keçib.