Ali məktəblərə qeydiyyat başladı

Avqustun 14-dən 2015-2016-ci tədris ilində ali təhsil müəssisələrinə qəbul olan abituriyentlərin qeydiyyatı başlayır. Qeydiyyat avqustun 24-dək davam edəcək.

Vətəninfo.az-ın məlumatına görə, Virtualaz.org Tələbə Qəbulu üzrə Dövlət Komissiyasına istinadən bildirir ki, bu müddət ərzində qeydiyyatdan keçməmək qaydalara uyğun olaraq həmin şəxsin müvafiq ixtisasa yerləşdirilməsindən imtina kimi qiymətləndiriləcək və onun qəbul haqqında əmri ali təhsil müəssisəsinə göndərilməyəcək.

Ali təhsil müəssisələrinin müsabiqəsində 38763 abituriyent iştirak edib. Onlardan 32196 nəfəri ali təhsil müəssisələrinə qəbul olunub.