Aviqdor Lieberman Bakının razılığını almağa gəlib!

İsrailin Xarici İşlər naziri Aviqdor Lieberman Bakıya rəsmi səfərə gəlib. “Vətəninfo.az”-ın məlumatına görə, bu xəbəri İsrailin xüsusi xidmət orqanlarına xaxınlığı ilə seçilən “Debka” saytı məlumat yayıb. Nazir aprelin 23-də prezident İlham Əliyev və başqa rəsmi şəxslərlə görüşəcək.Avigdor Lieberman Azərbaycanla diplomatik əlaqələrin 20 illiyi münasibətilə çıxış edəcək, Bakıda yəhudi icması ilə görüşəcək və İsrail Mədəniyyət Mərkəzinin açılışında iştirak edəcək.

İsrailin Xarici İşlər nazirinin Bakıya rəsmi səfəri iki gün davam edəcək. Avigdor Lieberman Bakıdan İsveçrəyə səfərə gedəcək. Sayt iddia edir ki, Libermanın Bakı səfərinin pərdə arxasında Azərbaycanın bu ölkədən yeni silah alışı və İrana mümkün hərbi müdaxilə zamanı Bakının dəstəyini qazanmaq dayanır. 

Oral MƏDƏNÇİ