“Azərbaycan enerji təhlükəsizliyində mühüm rol oynayır”

“Bizim məqsədimiz ABŞ ilə Azərbaycan arasında dostluğu genişləndirməkdir”.

“Veteninfo.az”ın məlumatına görə, bu bəyanatla ABŞ Konqresinin üzvü Bill Kassidi Vaşinqtonda keçirilən Azərbaycan-ABŞ diplomatik münasibətlərinin 20 illiyinə həsr edilən ikigünlük konfransda çıxış edib. Luiziana ştatından seçilən respublikaçı konqresmen bildirib ki, bu dostluğu mədəni mübadilələr və ticarət artımı hesabına genişləndirmək lazımdır:
 “Siz bunların hamısını etməyə səy göstərirsiniz. Buna görə mən sizə minnətdarlığımı bildirirəm. Hər iki tərəf üçün ümumi narahatlıq yaradan mövzu beynəlxalq təhlükəsizlik, xüsusilə də enerji təhlükəsizliyidir. Şübhəsiz ki, Azərbaycan enerji təhlükəsizliyində mühüm rol oynayır”. – deyə qeyd edən Bill Kassidi əlavə edib ki, Azərbaycanla ABŞ-ın təkcə Mərkəzi Asiya bölgəsində deyil, Qərbi Avropa və digər yerlərdə də birgə atacağı addımlar var.
“Qarşımızdakı sual isə ondan ibarətdir ki, bu ümumi rolumuzu necə canlandıra bilərik? Zənnimcə, biz çox şeyə qarşılıqlı təmaslar yolu ilə nail ola bilərik”.

Oral MƏDƏNÇİ