“Azərbaycan gəncliyinin gücünə, qabiliyyətinə bələdəm”

Bu sözləri Vətəninfo.az-a Gənclər Günü ilə bağlı millət vəkili Əli Məsimli bildirdi. Millət vəkili ilk öncə gəncləri təbrik etdi: “Bütün Azərbaycan gəncliyini ürəkdən təbrik edir, can sağlığı, firavanlıq, səadət, həyat və fəaliyyətinizin bütün sahələrində davamlı uğurlar arzulayıram.

Mən milli dəyərlərimizin sadiq daşıyıcıları olan Azərbaycan gəncliyinin gücünə, qabiliyyətinə bələdəm və onun sabahına böyük inamla baxıram. Gənclik- çox dəyərli, unikal, həm də ən böyük sərvətdir. Onun qədrini bilməli, istər ölkə daxilində, istərsə də, xaricdə bu unikal sərvət, gənclərimizin bilik, bacarıq və potensialı dolğun şəkildə reallaşdırılmalı, güclü, demokratik, firavan Azərbaycan quruculuğunda ondan milliliyin və müasirliyin bir-birini tamamlaması əsasında sağlam düşüncə ilə səmərəli istifadə olunmalıdır. Bundan ötrü isə Azərbaycanda gəncliyə dövlət qayğısı sabaha və davamlı uğurlara hesablanan bir siyasətə çevrilməli, bu siyasət sağlam və intellektual, beynəlxalq səviyyədə rəqabət qabiliyyətli nəslin formalaşmasına xidmət etməlidir”.

Elnur Eltürk