Azərbaycan yeni döyüş təyyarələri alacaq

Azərbaycan Hərbi Hava Qüvvələrinin aviaparkı yaxın illərdə daha da gücləndiriləcək. “Vətəninfo.az”ın “Lent.az”a istinadən verdiyi məlumata görə, bu barədə AzTV-nin iyunun 10-da yayımlanmış "Azərbaycan Respublikası xidmət edirəm" proqramının Hərbi Hava Qüvvələri və Hava Hücumundan Müdafiə Qoşunlarına həsr olunmuş buraxılışında məlumat verilib.

Hərbi Hava Qüvvələrinin bazalarından birindən hazırlanmış proqramda qeyd olunub ki, hazırda Azərbaycanın aviaparkı yeni təyyarələr hesabına yeniləşməkdədir. Son illərdə aviasiya pakına yeni döyüş və təlim təyyarələri, helikopterlər daxil edilib. Şəxsi heyətin peşəkarlığının yüksəldilməsində müxtəlif uçuş aparatlarının trenajorlarından istifadə edilir.

Proqramda aviasiya parkının perspektivlərindən də bəhs olunub. Yaxın illərdə aviaparkın Su-27 və Su-30 tipli döyüş təyyarələri hesabına daha da gücləndiriləcəyi vurğulanıb.

Kamran