BMT-nin Bakı ofisi qarşısında aksiya keçirildi

“Vətəninfo.az”a Qarabağ Azadlıq Təşkilatının (QAT) sədri Akif Nağının verdiyi məlumata görə, bu gün QAT BMT-nin Bakı ofisi qarşısında aksiya keçirilib.

Aksiyaçılar MİNSK qrupunun buraxılması, Ermənistanın işğalçı dövlət kimi tanınması və sanksiyalar təşkil edilməsini, cəbhə xətdində ermənilərin hücumu nəticəsində şəhid düşmüş əsgərlərimizlə bağlı Ermənistana qarşı təsirli tədbirlər görülməsini tələb ediblər. Aksiya iştirakçılarından 2 nəfər qətnaməni BMT-nin baş ofisinə təqdim edib.

Qeyd edək ki, aksiyada 15 nəfər iştirak edib və həbs olunan yoxdur.