“Bunu danışıqların növbəti mərhələsi kimi qəbul edirəm"

Azərbaycan Milli Məclisinin sədr müavini Bahar Muradova Azərbaycanın sədrliyi ilə keçirilən BMT Təhlükəsizlik Şurasının iclasından danışıb.

“Vətəninfo.az”ın məlumatına görə, diqqəti prezident İlham Əliyevin iclasdakı çıxışına yönəldən B.Muradova bildirib ki, Azərbaycanın Təhlükəsizlik Şurasına sədrliyi dövründə antiterror əməliyyatlarına üstünlük veriləcəyini, ədalətin və haqqın gözləniləcəyini, beynəlxalq sülh və təhlükəsizliyin təmin olunması istiqamətində addımlar atılacağını söyləməklə ölkəmizin mövqeyini və bu məsələlərə münasibətini ortaya qoydu. Düşünürəm ki, hansısa dövlət bu məsələlərə əks mövqedə ola bilməz. Ən azı olsa da, bunu açıq şəkildə bəyan edə bilməz”. 

Qeyd edək ki, B. Muradova həmsədrlərin gələn həftə gözlənilən səfərinə də münasibət bildirib: “Bunu danışıqların növbəti mərhələsi kimi qəbul edirəm. Bu səfərdən qeyri-adi bir şey gözləmirəm. Bununla belə, düşünürəm ki, bu səfər danışıqlar prosesinə hansısa stimul verə bilər.

Könül İbrahim