“Demək, məqsəd başqadır”

Rusiya Silahlı Qüvvələri Strateji Təyinatlı Raket Qoşunları qərargahının sabiq rəisi general-polkovnik Viktor Yesin deyib ki, Qəbələ RLS köhnəlib və bu stansiya artıq Rusiyanı raket hücumu ilə bağlı xəbərdar etmək baxımından maraq kəsb etmir. 

“Veteninfo.az” xəbər verir ki, bu sözləri “Atlas” Araşdırmalar Mərkəzinin sədri,analitik Elxan Şahinoğlu bildirib.

“Rusiyanın Krasnodar vilayətinin Armavir şəhəri yaxınlığında yeni qurulan RLS daha müasirdir və Qəbədələki RLS-in diapozonunu əhatə edəcək. Bunu Rusiyanın bir çox hərbi eksperti deyir. Belə isə Moskva Qəbələdəki RLS-dən niyə əl çəkmək istəmir? Demək, məqsəd başqadır. Rusiya Azərbaycanda RLS vasitəsilə hərbi varlığını qorumaq istəyir ki, gələcəkdə bu amildən hansısa planında yararlana bilsin. Bu isə bizə lazım deyil. Ona görə RLS-dən nə qədər tez qurtulsaq, bir o qədər yaxşıdır”,-deyə analitik qeyd etdi.

Elnur Eltürk