Deputat haqqında yayılanlara cavab verdi

Deputat Rafael Cəbrayılov haqqında yayılan məlumatlara cavab verib. “Vətəninfo.az”-a Milli Məclisin deputatı bildirib ki, tikinti biznesi ilə məşğul olan qardaşları ilə bank arasındakı mübahisə mülki məsələdir: «Tikinti biznesi ilə məşğul olan qardaşlarımla bank arasındakı mülki mübahisənin mənə heç bir adiyyatı yoxdur. Mən bizneslə məşğul olmuram. Biznesin bu sahəsi ilə, iki qardaşım Rauf və Elşən Cəbrayılovlar məşğuldurlar. Düşünürəm ki, belə hallardan şou yaratmağa dəyməz».
Yayılan məlumatda qeyd edilib ki, deputat və onun qardaşları Elşən və Rauf Cəbrayılov, eləcə də digər qohumu Akif Amanəliyevin məhkəməyə verilməsi kredit müqaviləsi ilə bağlı olub. Onları məhkəməyə “Bank Nikoil” verib. İddiada kredit müqaviləsi üzrə borcun ipoteka predmetinə yönəldilməklə ödənilməsi tələb olunub.

 Kənan

“Vətəninfo.az”