DİN müxalifətə xəbərdarlıq etdi

Razılaşdırılmamış yerlərdə hər hansı tədbir keçirilməsinə imkan verilməyəcək

Daxili İşlər Nazirliyi müxalifətə qəti xəbərdarlıq edib. DİN-nin mətbuat xidmətinin rəhbəri, polis polkovniki Sadiq Gözəlov AzNews.az-a açıqlamasında bildirib ki, Bakı şəhər İcra Hakimiyyəti ilə razılaşdırılmamış yerlərdə istənilən aksiya və digər bu kimi tədbirlərin qarşısını alacaq. 

Onun sözlərinə görə, razılaşdırılmış və təyin edilmiş yerlərdə aksiya keçirənlərin təhlükəsizliyi polis tərəfindən təmin olunacaq: “Çünki, bu polisin birbaşa vəzifəsidir. Amma razılaşdırılmamış yerlərdə hər hansı tədbir keçirilməsinə imkan verilməyəcək”.