Əhməd Qəşəmoğlu: ”Güc mərkəzləri radikal addımlar atdıqca dindarların da radikallığı artır”

Bu sözləri “Vətəninfo.az”a Ahəngyolu nəzəriyyəsinin yaradıcısı, Azərbaycanın tanınmış sosioloq alimi, professor Əhməd Qəşəmoğlu cəmiyyətdə radikal dini cərəyanların inkişaf etməsini şərh edərkən bildirib: “Radikal dini cərəyanların inkişafında hərəkət verici qüvvə qloballaşma prosesidir. Təbii, tarixi qloballaşma prosesinə subyektiv müdaxilələr günü gündən artır. Güc mərkəzləri qlobollaşmanın onların maraqları istiqamətində getməsini istəyirlər... Bu isə dini nizamlara təsir edir. Onlar özlərini müdafiə sistemi mexanizmi düşünməyə başlayırlar. Din xadimləri indiki zamanda daha çox imana söykənmiş insanlardır. Təəssüf ki, onların əksəriyyəti dünyəvi bilikləri lazımı səviyyədə deyil. Nəticədə iman inam üzərində yox, fəhm və qorxu üzərindədir. Bu isə cəhalətin güclənməsinə yön verir. Özünü müdafiə etməyə başlayan dini sistemlərin hər biri radikallığı əsas mübarizə vasitəsi hesab edirlər və bu yolda onlara inanaclarının kömək edəcəyini düşünürlər... Güc mərkəzləri radikal addımlar atdıqca dindarların da radikallığı artır. Ona görə də dünyadaki proseslərin bu şəkildə getməyi anormal və təhlükəli haldır. Məsələlərə yeni fəlsəfi düşüncə ilə yanaşmaq hər iki tərəfə  daha ahəngdar davranmları üçün elmi tövsiyyələr vermək faydalı olardı”-deyə, Əhməd Qəşəmoğlu bildirib.

Elnur Eltürk