Elçibəy ailəsindən Hafiz Hacıyevə sərt cavab

Milli azadlıq hərəkatının lideri Əbülfəz Elçibəyin ailəsi Müasir Müsavat Partiyasının sədri Hafiz Hacıyevin Türkiyədə mərhum prezidentin həkimlərilə görüşməsinə etiraz edib. Sabiq prezidentin qardaşı Almurad Əliyev "modern.az"a açıqlamasında Hafiz Hacıyevi reklam kampaniyasından əl çəkməyə çağıraraq, onun Türkiyədə Elçibəyin həkimlərilə görüşməsi haqda məlumatın yalan olduğunu deyib.
“Bu, Hafiz Hacıyevdir. Ondan hər şey gözləmək olar. Onun Türkiyədə həkimlərlə görüşməsi yalandır. Həkimlər onunla görüşməzlər. Sadəcə, bu, onun növbəti uydurmasıdır. Biz Hafizə sözümüzü demişik ki, əl çəksin bu işlərdən. Gözləyirik. Hafiz çabalasın, görək nə edəcək?”, - deyə A.Əliyev xəbərdarlıq edib.
Qeyd edək ki, Hafiz Hacıyev yanvarın 25-də Türkiyəyə gedib. Partiyadan “modern.az”a bildirilib ki, səfər zamanı o, Əbülfəz Elçibəyin həkimlərilə görüşərək, onu maraqlandıran məsələlərə aydınlıq gətirmək istəyib.

Veteninfo.az