Elxan Şahinoğlu:"AŞPA amorf bir qurumdur"

Bu sözləri Vətəninfo.az-a "Atlas" Araşdırmalar Mərkəzinin rəhbəri,analitik Elxan Şahinoğlu Avropa Şurası Parlament Assembleyası ilə bağlı fikirlərini şərh edərkən bildirib:

"Avropanın əsas qanunverici orqanı Avropa Parlamentidir. Guya AŞPA-da Ştrrasserin Azərbaycanda siyasi məhbuslarla bağlı sənədi qəbul olunsaydı, bu nəyisə dəyişəcəkdi? Putin Çeçenistanda 1990-cı illərin sonunda ikinci dəfə müharibəyə başlayanda onminlərlə günahsız insan qırıldı, ardınca AŞPA Rusiya əleyhinə kəskin qətnamə qəbul etdi. Bu nəyi dəyişdi ki? Putin yenə istədiyini etdi. Rusiyalı deputatlar AŞPA-da indi də rahat oturublar. Ona görə də, AŞPA-ya bel bağlamağa dəyməz. Keçmiş SSRİ respublikaları bu quruma kütləvi üzv olduqdan sonra AŞPA-nın bəşəri dəyərləri sözdə qaldı, bunu avropalı deputatlar da söyləyirlər. Başqalarının sanksiyasını gözləməkdənsə, daxili qüvvələrin fəallığı hesabına dəyişikliyə nail olmaq lazımdır!",-deyə analitik qeyd edib.

Elnur Eltürk