Ermənistan prezidentindən Xocalı soyqırımı ilə bağlı şikayət

Serj Sarkisyanla bağlı Avropa İnsan Haqları Məhkəməsinə müraciət olunub.

“Vətəninfo.az”ın məlumatına görə, müraciəti "Əsassız erməni iddiaları ilə mübarizə dərnəyi" göndərib. Dərnəyin sədri Göksel Gülbey mətbuata açıqlamasında deyib ki, 1992-ci ildə Azərbaycan Respublikasının Xocalı şəhər əhalisinə qarşı soyqrırımda iştirakı olan Serj Sarkisyan barədə öz şikayətlərini Avropa İnsan Haqları Məhkəməsinə poçt vasitəsilə göndəriblər: "Sarkisyan 1992-ci ildə Xocalıdakı qırğını həyata keçirən qüvvələrə rəhbərlik edərək yüzlərlə insanın ölüm əmrini verib. Sarkisyan şəxsən özü bu qırğında iştirak edib. Həmin vaxt 1 milyon 200 min Azərbaycan vətəndaşı yurdunu tərk etmək məcburiyyətində qalıb. Yüzdən çox insan həlak olub, mindən çoxu isə əsir düşüb. Məhz bu səbəbdən Sarkisyanın Avropa İnsan Haqları Məhkəməsində mühakimə olunması üçün müraciət etmişik".

Rövşən ZİYA