Ermənistan və Rusiya arasında Gümrü hadisəsi qızışır

Ermənistanın baş prokuroru Gevorq Kostanyan Gümrü şəhərində bir ailənin 6 üzvünü qətlə yetirən rus hərbçi Yevgeni Permyakovun İrəvanda cəzalandırılacağını iddia edib. O, məsələnin detalları barədə yaxın vaxtlarda Gümrü sakinlərinə açıqlama verəcəyini deyib. Kostanyan erməni mətbuatına açıqlamasında, Permyakovun Ermənistan hüquq mühafizə orqanlarına təhvil verilməsi üçün Rusiya ilə danışıqların aparıldığını da bildirib. Qeyd edək ki, yanvarın 14-də Ermənistana səfər edən rusiyalı vəkillər Yevgeni Permyakovun işinə Rusiyada baxılacağını açıqlayıblar. Lakin vəkillərin bu fikirlərindən sonra Gümrü və İrəvanda Rusiya əleyhinə etiraz aksiyaları başlayıb və Rusiya bayrağı təhqir edilib. Nümayişçilər hakimiyyətdən Rusiyanın Gümrüdəki hərbi bazasının ölkədən çıxarılmasını tələb ediblər.

Vətəninfo.az