1. Miq.az
  2. Gəl, məndən istəmə bu ayrılığı...

Gəl, məndən istəmə bu ayrılığı...

Gəl, məndən istəmə bu ayrılığı...
Tarix: 18.01.2021 19:41
Baxış sayı: 2123


Sevinc Muradxanlı

Bir quru baxışa göz etmə məni,
Nadanın dilinə söz etmə məni,
Sönən bir ocağa köz etmə məni,
Gəl, məndən istəmə bu ayrılığı. 

Belə ucaltmısan, zirvədən salma,
Sevgindən pay verib, əlimdən alma,
Dünyanın dərdinə, qeydinə qalma,
Gəl, məndən istəmə bu ayrılığı.

Gözlərimi istə halallıq verim,
Kəs, apar başımı, qurbanlıq verim,
Sevgimdən pay umma ehsanlıq verim,
Gəl, məndən istəmə bu ayrılığı.

Allahdan ən əziz, şirin payımsan,
Sən mənim bəxtimsən, alın yazımsan,
Ömrümə nur saçan ulduz, ayımsan,
Gəl, məndən istəmə bu ayrılığı...

Arxanca sürünən izin olaram,
Yoluna dikilən gözün olaram,
Şəninə deyilən sözün olaram,
Gəl, məndən istəmə bu ayrılığı...
 
Miq.Az


Həmçinin oxuyun

İSTİFADƏ QAYDALARI

Müəllif hüquqları qorunur.
Məlumatdan istifadə etdikdə istinad mütləqdir.
Məlumat internet səhifələrində istifadə edildikdə müvafiq keçidin qoyulması mütləqdir.
BİZİMLƏ ƏLAQƏ

Tel: +994 55 875 56 58
infomiqaz@gmail.com

www.miq.az