Hollivud ulduzu silahlı hücumlara qarşı təlim keçəcək - VİDEO

Amerika Birləşmiş Ştatlarında silahla bağlı baş verən çoxsaylı insidentlərdən sonra, Hollivud aktyoru və peşəkar idmançı olan Stiven Siqal xoşməramlı təşəbbüsə qoşulub. Belə ki, Arizona polisi aktyoru, silahlı cinayətkarları əlbəyaxa döyüş vasitəsilə zərərsizləşdirə biləcək könüllülərə təlim keçməyə dəvət edib. Stiven Siqal şagirdlərə yaraqlıları zərərsizləşdirmək, müstəqil şəkildə ekstrimal vəziyyətlərin öhdəsindən gəlməyin yollarını öyrədəcək.

Qeyd edək ki, ABŞ-da belə təlimlərə ehtiyac Konnektikut məktəbində baş vermiş qanlı insidentdən sonra yaranıb.
Stiven Siqal 1990-cı illərin döyüş filmlərinin ulduzu olmaqla yanaşı, həm də Aykido idman növü üzrə, “7-ci Dan” idman ustasıdır.