İlham Əliyev Lənkərandadır

Azərbaycan Prezidenti İlham Əliyev Lənkəranda ümummilli lider Heydər Əliyevin abidəsini ziyarət edib

“Vətəninfo.az” xəbər verir ki, iyulun 31-də Azərbaycan Respublikasının Prezidenti İlham Əliyev Lənkəran rayonuna səfər edib. Dövlətimizin başçısı Lənkəran şəhərinin mərkəzindəki Heydər Əliyev xatirə parkında xalqımızın ümummilli liderinin abidəsini ziyarət edib, önünə gül dəstəsi qoyub.
Lənkəran Rayon İcra Hakimiyyətinin başçısı Taleh Qaraşov Prezident İlham Əliyevə məlumat verdi ki, bu park hazırda rayon sakinlərinin və qonaqların istirahəti üçün ən çox üz tutduqları məkandır. Ümumi sahəsi dörd hektar olan parkda geniş abadlıq-quruculuq işləri aparılmış, yaşıllıq zolaqları salınmış, fəvvarələr quraşdırılıb. Heydər Əliyev xatirə parkında asudə vaxtın səmərəli keçirilməsi və mənalı istirahət üçün hər cür şərait vardır.