İlqar Məmmədov: “ATƏT mövcud deyil”

“Həll vəzifəsinin ATƏT-dən alınıb BMT-yə ötürülən kimi avtomatik irəliləyiş olmayacaq. Amma təşkilati çərçivənin dəyişdirilməsi məsələsi daim öyrənilməli və gündəmdə qalmalıdır. Hazırda, nizamlama perspektivinə baxanda hər iki quruma aid müsbət tərəflər də var, mənfi tərəflər də. Məsələn, ATƏT özü bir təşkilat kimi böhran içindədir. 2008-ci ildən etibarən bu təşkilat əslinə qalsa yoxdur”. Bu sözləri Vətəninfo.az saytına ”Real” hərakatının sədri İlqar Məmmədov bildirib. Millət vəkili İlyas İsmayılovun Dağlıq Qarabağ münaqişəsinin ATƏT- in Minsk Qrupundan alınıb BMT Təhlükəsizlik Şurasına həvalə olunması təklifini şərh edən İ.Məmmədov bildirib ki, münaqişənin möcüzəvi diplomatik həll yolu yoxdur. ATƏT təhlükəsizlik mexanizmi kimi mövcud deyil: “ATƏT ətalət gücünə hələ formal yaşamını davam etsə də, artıq mövcud deyil. Buna görə də, Dağlıq Qarabağ münaqişəsi o qurumda həll oluna bilmir. Münaqişə BMT Təhlükəsizlik Şurasına həvalə olunsa, problemin həlli dünyanın geopolitik durumuna bağlı olacaq. İndidən hər hansı konkret nəticə görmək mümkün deyil”.

Ramilə