İlyas İsmayılov çıxış yolu axtarır

Azərbaycanda Milli Məclisə növbədən kənar seçkilər keçiriləcəyi ilə bağlı xəbərlər artıqca, seçkiyə hazırlaşan partiyalarla bağlı yeni xəbərlər yayılır. Etibarlı mənbələrdən “Vətəninfo.az”a daxil olan məlumata görə, növbədən kənar seçkilərə hazırlaşanlar arasında Ədalət Partiyasının sədri, millət vəkili İlyas İsmayılov da var. Etibarlı mənbənin sözlərinə görə, növbəti seçkidə seçilməyəcəyini və dövlətin siyasi partiyalara ayırdığı maliyyə yardımından məhrum olacağını düşünən İ. İsmayılov ciddi addımlar atır. O, partiyasını digər bir siyasi partiya ilə birləşdirir. Ədalət Partiyasının birləşəcəyi partiya Vətəndaş və İnkişaf Partiyasıdır (VİP). Artıq bu məqsədli İ. İsmayılov bir neçə dəfə VİP rəhbəri ilə görüşüb. Lakin hazırda onların hansı razılığa gəldiyi və İ. İsmayılovun yeni yaranacaq paryiyada hansı vəzifəni tutacağı məlum deyil.